Algo pasa di 11or di anochi, Polis di Noord bayendo direccion e rotonde a topa un accidente net dilanti New Teng Sing na Tanki Flip. E Polisnan a bay atende cu e accidente.
A topa cu un homber cu tabata keha di su pianan. Ora polis a acerke, e ta conta polis cu e tabata bayendo direccion zuid cu su scooter. Diripente un Toyota Yaris color shinishi a lora su dilanti pa bay na e chines.
E manehador di e scooter pa no dal den e Yaris a haci maniobra y ta cay. E homber di e scooter Tabata keha di dolor na su dos pianan. Mesora a pidi presencia di ambulance pa asina hasi chekeo medico. Daño material tabata minimo.
