Riba dia di Dios den oranan laat di anochi polis mester a atende cu hopi urgencia un caso na San Nicolas. Un homber kende tabata di remate y niun hende por a atende cu ne
Tabata rond di 11.45 Polis a yega cu alarma na un cas na Weg Sero Blanco pa e homber di remate, cu tabatin un machete den man. Ta parce cu e persona a dal of uza un substancia cu no a cay bon cu ne pasobra di biaha problema a cuminsa. El a cuminsa busca problema cu bisiña.
Pero loke a pone cu a yama Polis ta pasobra e asunto no a keda na un discusion so, dado momento el a saca un machete y a bis’e “mi ta bay kap bo”.
Tabatin varios unidad na e sitio y a detene e homber aki cu a hiba warda te ora cu e bin bon na tino bek.
