Dia 24 di december 2020, Conseho di Salud di Hulanda y islanan BES (Boneiro, Sint Eustatius y Saba) a emiti e conseho di vacunacion COVID-19: BioNTech/Pfizer. Mescos cu e conseho strategico pa vacunacion di COVID-19, e Conseho di Salud a analisa loke esaki lo nifica pa islanan CAS (Corsou, Aruba y Sint Maarten). E Conseho di Salud ta conclui cu e conseho riba BioNTech/Pfizer tambe ta aplica riba e islanan aki. E Conseho di Salud ta recomenda cu e vacuna contra COVID-19 di BioNTech/Pfizer ta uza principalmente riba personanan di edad avansa. E vacuna ta funciona hopi mas leu di e expectativanan den e grupo aki, cu e enfermedad mas grave y morto debi na COVID-19. E Conseho di Salud tambe ta recomenda un uzo limita di e vacuna pa trahadonan den e sector di salud. E conseho ta skirbi esaki pa e Minister di Salud Publico di Hulanda.
Dia 21 di december, e Comision Europeo a dicidi permiti cu e vacuna COVID-19, desaroya pa BioNTech/Pfizer, ingresa den mercado Europeo. Minister di Salubridad a pidi e Conseho di Salud manda un conseho riba e uzo di e vacuna na Hulanda.
Personanan di 60 aña of mas tin e mayor riesgo di e enfermedad grave y morto door di COVID-19. E eficacia di e vacuna BioNTech/Pfizer ta riba e expectativanan cerca ancianonan. P’esey e conseho ta recomenda reserva e mayor cantidad posibel di e vacuna pa e grupo aki y pa cuminsa vacunacion cu e personanan di tercera edad.
Trahadonan di salud por uza un parti limita di e vacuna pa proteha personanan mayor fragil y garantisa e continuidad di e atencion. E comite ta kere cu e vacuna AstraZeneca, cu actualmente ta spera den cantidadnan grandi den e prome trimester di 2021, por proporciona un solucion pa tur e trahadonan di salud.
Ainda no sa te ki punto BioNTech/Pfizer por evita cu e virus propaga. Por lo tanto, e Conseho ta recomenda pa no sigui ainda un strategia destina na reduci e distribuimento.
Sin embargo e Conseho ta recomenda investiga e gruponan cu miho por vacuna den un strategia di e tipo aki pa obtene e mayor efecto.
