No obstante cu gobierno a conscientisa pueblo di e TdQ cu a bay na vigor e anochi di diahuebs manece diabierna, asina mes tabatin detencionnan cu a cay.
Tabata alrededor di 12:25am, ora cu polis atento a topa cu un homber den su auto ta relax manera nada no a pasa na altura di Acropols Plaza na Tanki Leendert.
No tabatin mester di papia hopi, a deten’e y a transport’e pa warda di polis, caminda e proceso di multa a tuma luga.
E lo ta un sospechoso extra cu lo contribui na e caha di multa, den e Toque de Queda anterior, a logra un suma total di 380 mil florin na multa. E anochi tabata mas trankilo compara cu e TdQ na inicio di aña.
