Diaranson den careda di 4:45 pm a bati a alarma na polis pa un persona cu tabata actua di forma sospechoso na altura di Sero Blanco.
Di biaha polis a sali direccion pa Sero Blanco pa mira kico tabata pasando. Nan a bin topa cu e homber na altura di Citgo Sero Blanco. Polis a ripara cu di berdad e persona masculino tabata actua di forma basta straño y no tabata tin t-shirt bisti.
E agentenan a acerca e individuo, unda a purba papia cu ne. Ta sospecha cu e individuo masculino tabata bou di substancia di algo straño. Ni con a papia cu ne, e individuo no tabata haci caso. Esey a pone cu polis a deten’e. A pidi pa un transporte policial pa asina hib’e pa warda di polis.
