Diamars anochi bisiñanan a tende hopi desordo den Caya Franse Bloem. Hasta manera wea ta bati na otro. Palabra ta bin y palabra ta bay.
Bisiñanan a dicidi di yama Polis. Esaki tabata e mala suerte di e homber cu ta biba den e cas. Probablemente pa saca su frustracion di ta cera tur anochi den cas y tur e stress cu esaki ta trece cun’e, el a dicidi di bay hala rosea pafo. Y esey tabata su mala suerte pasobra ta net momento cu patruyanan a yega y hay’e para pafo ta respira aire fresco.
“Bo no mag ta para pafo, nos tin cu detenebo,” Polisnan a bisa. Esaki ta algo cu e habitante no a spera. “Net ami, pero di con. Si mi no ta haciendo nada. Mi ta trata di coy aire fresco so,” tabata su comentario, pero asina mes a pone den boei y rumbo pa warda, pa traha su PV y su boet di 1000 florin minimo.
Despues Polisnan a bah’e bek na su cas.
