Tabata alrededor di 8:50 pm cu polis a presenta cu maximo urgencia n’un adres na Sero Biento p’un problema di pareha cu a bay for di man. E homber abusado a agredi su señora y hasta saca arma p’e. Ta tur motibo pa polis detene mesora.
Ta varios caso social polis tin cu atende tur dia y den nan, problema entre pareha ta resalta. Agresion ta sigura bo, bo caminda pa ward’i polis. No ta conoci ki tipo di arma e homber abusado aki a uza pa menasa su pareha. Segun informacion ricibi, ta trata di un arma blanco. Un rato despues a transport’e pa ward’i polis caminda e tin di bay duna cuenta di su acto na un subfiscal. Pa awo, e lo permanence encarcela.
