E avion di American Airlines desvia pa Aruba den oranan despues di merdia, a baha sin problema rib’e pista di Aeropuerto Reina Beatrix. Tabata trata di vuelo AAL1145 cu tabata rumbo pa Cartagena.
E vuelo AAL1145 a sali algun minuut prome cu 11:00 AM y si tabata bon nan lo mester a baha rond di 1:00 PM na aeropuerto di Cartagena.
Sinembargo, debi na e mal tempo cu tin actualmente na Cartagena, mester a desvia e vuelo aki pa Aruba. E avion a yega na mas o menos 2:00pm, cu 170 persona abordo.
Pero, resumiendo, un vuelo di American Airlines, cu destino Cartagena a desvia pa Aruba, debi na mal tempo cu tin actualmente na Colombia. E mesun mal tempo, cu aki na Aruba, no ta tendiendo nada. No tin pronostico ni nada.
Asina pues, Aruba tin 170 turista cu lo disfruta di nos dushi isla, Aruba.
