Den careda di 8:20 pm polis a presenta na e crusada di Adriaan Lacle Boulevard cu L.G. Smith Boulevard pa un Nissan Sentra color shinishi numera A-9820. Nan a bin topa cu e auto para na’e crusada cu luz cendi.
E hendenan cu tabata pasando den e area a bati alarma mesora na polis. Na yegada di e agentenan policial, a bay controla kico por tabata e problema. Nan a bin ripara cu den e auto tabata tin un persona y e tabata basta bebi.
E chauffeur a pega soño den auto riba caminda. Nan a lanta e chauffeur, deten’e y transport’e pa warda di polis. E agente policial a hala auto.
