Pa algun dia caba tin un situacion fastioso tumando luga den Patiastraat, Dakota. Aki un habitante tin un acera pa su so. El a dicidi di pone varios sofa y un mesa riba e acera.
Esey ta pone cu tur hende den e area no por pasa trankil riba e acera y mester uza caminda pa sigui na nan destinacion. E habitantenan di e area a fada y a dicidi di bati alarma p’e situacion aki.
E habitantenan ta pidi tanto polis como otro departamento concerni pa bisa e persona aki kita e sofanan y mesa fo’i e acera. E ta un situacion incomodo pa nan por pasa drechi. Incluso e ta poni dilanti di un zebrapad unda e muchanan como adultonan tin cu crusa.
