Minister di Economia, mr. Geoffrey Wever, a tene un mision di Trade na Colombia. E idea ta pa importa carni desde Colombia, pero te ainda no tin un fecha pa haci esey.
E mandatario a indica ta den e fase final di e protocol, pero no tin e fecha exacto di esaki. Pero e lo bay papia cu Minister di Salud, Dangui Oduber, pa mira con leu nan ta. El a enfatisa cu ta den fase final pero ta fecha so e no por duna.
Riba e parti di elimina tur obstaculo di sanidad cu ta stroba, e mandatario a indica di ta importante cu por certifica y sigura cu e calidad ta uno cu gobierno ta haya ta importante.
P’e motibo ey a traha riba un protocol unda a aplica modelo di otro pais cu ta importante di Colombia. Esey ta den desaroyo, den afronding. Esaki ta bou encargo di Oduber y su team. Esaki tin progreso riba dje pero t’e fecha no ta conoci.
