Tabata alrededor di 12:30 am ora cu polis a duna un auto marca Chevrolet modelo Celta color cora, numera A-69578 señal pa stop. Tabata den Santa Helenastraat, ora cu polis a topa cu ne. E chauffeur di e Celta, a dicidi di haci otro, el a paga luz di auto y purba trot bay laga polis.
E no a conta cu e motor di su auto ta mas chikito cu di esun di polis. Cu zwaailicht y sirena a keda su tras te ora cu el a haya su gana di para. Den Driemasterstraat polis a bah’e fo’i auto y detene mesora.
E no tabata su so, e tabatin un botr’i cerbes bon friu den banda. A transport’e pa ward’i polis caminda e tin di bay duna cuenta di su acto dilanti un subfiscal. Tin tur indicacion cu e lo pasa e rest’i anochi tra’i trali. A cera diadomingo anochi, cu un chauffeur burachi menos riba caminda. E tabata forma un peliger no solamente p’e pero tambe pa demas automobilista, debi su forma di stuur auto.
