Tabata awe marduga net despues di 12:00am cu bisiñanan a yama Polis pa un hende muhe benta riba caminda yorando y gritando di dolor na altura di Boroncana # 10. Polis y ambulance a yuda e pober señora, cu a conta cu su pareha a maltrat’e den auto,l dilanti di su yiu, bent’e for di auto y despues sigui cu e yiu.
Ta trata di un auto marca Honda modelo CRV cu number A-9103, registra na un adres den Dakota. Polis a cuminsa un buskeda pa e auto y e mucha pero sin mucho resultado.
Ambulance a brinda asistencia na e sitio mes y despues a transporta e victima pa Hospital. Polis a atende e señora riba tin un relacion toxico asina, pasobra segun e señora, no ta prome biaha. A splik’e cu den casonan asina, e casonan di maltrato lo no stop mas tampoco, tanten no entrega un keho y sali di un relacion asina.
