Rond di 3’or di atardi a bati alarma pa un caso di supuesto hogamento na e pier pabou di Marinierskazerne na Savaneta.
Cuatro vehiculo policial bou alarma a pasa den area di Zeewijk bin abou y a hala atencion di hopi hende. A resulta cu un homber tabata disfrutando di e beach chikito na Savaneta (un poco pabou di Marinierskazerne). Extraoficialmente por a compronde cu e homber tabata pisca.
Kico a pasa cu a bin haya e homber den awa no ta conoci. No a haya confirmacion si el a cay den awa of a bira malo y door di esaki el a cay den lama y hoga.
Ta trata aki di Anthony Richards, naci dia 15 di november, 1966. Es decir cu e tabata tin 53 aña.
Remarcabel ta cu e homber aki su casa tabata na trabou na momento cu e hecho a tuma luga, algun shen meter mas leu. Segun por a compronde, e tabata wardando e cas finalisa di baha 3’or pa e bay buske. Pero e hecho a sosode net 3’or.
Segun Cuerpo Policial den un comunicado cu a notifica central di e caso di hogamento na e pier p’abao di Marinierskazerne. Na yegada di patruya di polis, ta topa cu un dama kende a declara cu el a bin pisca cu su amigo, e defunto ya menciona, kende na dado momento a cay na awa.
E dama a purba di yuda su amigo pero envano. Polis cu a yega na e sitio a bula na awa pa saca e curpa sin bida.
Pa 4’or y 10 di atardi, dr. Texier ta constata morto di Richards. Polis tecnico a yega na e sitio, Recherche y slachtofferhulp.
Na famia di e fayecido ta bay palabra di condolencia.
