Diabierna marduga algo prome cu 3 or a sosode accidente riba caminda grandi di Savaneta na altura di Iceberg. Chauffeur di Hyundai Accent no a reaciona na tempo dal tras di Jeep.
E hoben na stuur no por a mustra Polis su rijbewijs y tabata mustra bou influencia. Polis a desvia trafico mientras tabata warda unidad di trafico bin e sitio di accidente pa test e chauffeur.
Polis a detene e hoben despues di a supla riba e limite. Amiganan den auto a bira emocional pa e detencion. Un discucion a cuminsa cu a caba den agrecion. Polis a separa nan y detene e hoben agresor. Ambos, pues e amiga y chauffeur a keda transporta pa Warda di Polis.
