Lynn de Miranda di 19 aña di edad ta studia “Animal Sciense” na Canterbury Christ Church University (CCCU) na Inglatera. E ta den su di dos aña di estudio. Na Aruba e a bishita Felipe B Tromp Basisschool y a sigui pa Colegio Arubano y a caba na aña 2016. Na September 2016 el a cuminsa studia na CCCU, situa den e parti zuid di Inglatera.
Awe el a representa Aruba den un bunita manera den e “Culture and Food Fair” na su Universidad, un evento anual cu ta atrae hopi studiante y docentenan internacional.
Cu hopi animo y entusiasmo Lynn a splica na unda Aruba ta situa, a suministra informacion tocante turismo, cultura y a laga tur presente disfruta di diferente snacks tipico Arubiano manera pastechi, bolo di glas, cheeseballs, awa di lamunchi, panboyo y hopi mas.
Tambe el a presenta diferente producto bon conoci na Aruba manera Aruba Aloe, awa di coco y sin lubida nos dushi “panbati”.
E feria tabata un evento grandi cu hopi bishitante y mayoria a bishita e booth di Aruba, pa cual Lunm a haya masha atencion durante e evento. Despues di purba asina tanto snacks di Aruba, por spera mas turista pronto for di Inglatera.
