Atardi laat riba dia di pasco un hoben den Kia Sportage cora kima riba velocidad poco halto no a wak mucha ta crusa caminda sin paga tino. E hoben tras di stuur a “brake” pero asina mes e auto a dal e mucha.
E chauffeur a spanta y baha na awa. E mucha lo tabata den un celebracion di pasco cu yen otro mucha den cercania. Famia a scucha e lastra di “brake” sali na careda ora a scucha cu auto a dal algo. E la sosode basta liher pero asina mes nan a wak e hoben tras di stuur y plachi number di e vehiculo. Famia a haya e mucha na suela ta keha di dolor. E impacto no tabata fuerte, e mucha a subi riba su mesun forsa e Ambulance. Apesar di e susto e celebracion den cas a sigui, e mucha a bay Hospital pa un checkup.
Polis a yega cuminsa un buskeda pe auto envolvi den bario. Te cu ora solo a cuminsa baha polis a bin para e chauffeur tras di e Kia Sportage den Caya Boes Orman. E hoben bisti na uniform di waiter tabata hopi spanta y a lamenta e sucedido. E no a wak e mucha ta crusa caminda y no tabata sa kico pa haci. Polis a scucha su banda di medaya y lague bay pendiente investigacion di Departamento di Trafico.
