Famia Planea ta contento cu e reaccion cu nan ta haya di comunidad, vooral di e scolnan den e ultimo lunanan segun e directora Evelyn Yarzagaray. Nan ta gradicido cu tur loke a bin ta wordo implimenta na 2017 y ta look forward pa 2018 sumamente positivo, ya cu ta mira poco poco pero sigur, cambionan ta tumando luga y personanan ta bira mas conciente cu e ta hopi importante pa por introduci educacion sexual na scol, pero mas cu claro tambe ta wak e importancia di brinda informacion corecto. Awendia hopi hoben, hopi mucha ta riba social media na un edad hopi jong y no ta tur ora tur informacion cu tin eyfo tambe riba internet ta informacion corecto. E ora eynan, si por duna un aporte den loke ta trata duna informacion corecto, e ora finalmente bo ta haya cu poco poco e muchanan ta bira conciente.
Dicon?
Awendia e edad, unda cu un mucha su curpa ta cuminsa cambia, ya bo ta wak tambe cu a cambia. E muchanan cu ta den e parti di desaroyo di crecemento, bo ta wak cu ya caba cu 11 aña y te hasta cu 10, a cuminsa maak mee cambionan di curpa y tin ora cambionan di curpa principal. E cambionan di curpa unda cu e curpa ta prepara e mucha pa finalmente despues bira mama y e mucha homber den e caso aki, por bira tata.
Mas ainda cu ta mira e edad ta bahando, na unda cu e muchanan ta haya mas interes den tur loke ta trata salud sexual y sexualidad, mas ainda e ora ey ta percura pa push pa drenta scol y asina eynan por brinda e informacion corecto. Si una bes na un edad hoben nan tin e informacion corecto, nan sa por ehempel cu cambionan di curpa ta parti di e desaroyo, nan sa con pa proteha nan mes ora ta asina leu, e ora ey basicamente bo ta wak cu poco poco, pero sigur tambe esey ta duna un aporte na loke ta trata mas mucha ta keda scol, mas mucha ta funciona mas mucha ta logra bay diferente otro scol, haya diploma y finalmente forma un bida mas stabil y zowiezo, aportando loke ta trata e bahamento di embaraso hubenil na Aruba, cu ya caba a bin ta baha den transcurso di añanan anterior y cu ta bahando tambe poco poco.
Famia Planea ta positivo pa por brinda esaki na diferente scol. Esunnan cu ya caba tin un programa escolar cu nan, esey ta sigui door, pero pa e nobonan, pa esunnan cu no sa di Famia Planea y tambe pa esunnan cu por ta ta pensa cu por ta ta trata djis pa duna producto, djis pa duna condom, djis pa papia di de pill, no ta asina. Ta basicamente ta papia full di loke ta trata sexualidad en general y salud sexual, pa asina ey por brinda e informacion corecto na scol.
