Diasabra mainta, pa mas of menos 10:00 am, un compania di transporte cu carga pisa, tabata bayendo direccion di Noord, ora cu dado momento, na momento cu el a subi rotonde na altura di Superfood na Bubali, un cantidad di hero pisa a cay riba caminda, causando cu trafico cu tabata bin den su direccion, mester a desvia di ruta, causando un trancamento formal. E suceso aki sigur a obstaculisa pasada di auto cu tabata transita riba e ruta aki.
Mirando cu ta trata aki di carga pisa, mester a yama un kraan pa por pone tur hero bek rib’e truck, pa esaki tambe sigui su caminda.
No por bisa cu tabatin daño material causa, ni tampoco hende herida. Djis algun chauffeur irita cu mester a warda un rato pa e trabao di lantamento di hero tuma luga pa asina nan por a sigui nan caminda.
