Diasabra atardi durante un control di polis riba L. G. Smith Boulevard, a duna un auto marca Nissan modelo March señal pa para pero sin resultado. Polis no a ria y a start un persecucion tras di e March aki, pa cual no a dura mucho.
E persecucion a cuminsa riba Boulevard sigui pa Camacuri, drenta Avenida Milio Croes y termina den Sabana Blanco ora cu polis a logra para e auto aki.
Den e auto tabatin dos hoben. Ningun di dos por a demostra un rijbewijs valido. Polis a detene ambos y a transporta nan pa warda di polis. A confisca e auto y hib’e pa ward’i polis na Balashi.
