Riba dia di Himno y Bandera, Cas di Cultura ta organisando su dia publico cu un grandioso mercado, mas amplio cu e añanan anterior, celebrando su 60 aniversario cu henter pueblo.
E mercado di sopi ya ta popular pa un par di aña caba y lo bolbe ripiti e aña aki cu apoyo di restaurantnan renobra. Banda di e artesanonan cu semper ta parti di e dia, ta invita tur hende cu kier bende articulonan segunda mano, tanto comerciante como hende priva, gruponan di amigo cu ta join pa pasa dushi.
“One man’s trash is another man’s treasure!”.Articulonan segunda mano mester cai den e categorianan sigiente: paña, textil, accesorio y decoracion di cas y pa bisti, sapato, hugete, buki, arte, producto electrico chiquito, herment chiquito y muebles chiquito. Trahadornan di snacks y cos dushi tambe ta invita pa inscribi pa bende nan productonan. Standnan ta 2 pa 2 meter.
E porta lo habri pa publico 9’or di mainta y lo cera 3’or di atardi. Lo tin un entrada general di 1,- cu ta conta como recaudamento di fondo pa Stichting Schouwburg Aruba. Ta tuma inscripcion te cu dia 10 di maart. Pa mas informacion y pa inscribi pa un stand den e categorianan comerciante, artesania, segunda mano of snacks/cos dushi por fabor yama sra. Joan Hart na 582-1010.
