Minister Dangui Oduber tabata presente na e conferencia di prensa di y a comenta riba Salubridad Publico. El a splica riba e importancia di pone e ser humano central den nan programa di gobernacion. E enfoke di nan gobierno ta basa riba duna e hende atencion.

Ora bo ta den gobierno cu bo por ehecuta bo maneho, bo ta duna accion tras di bo palabranan.

Den e ultimo simannan aki ta bin ta inventarisando Salubridad Publico, Cuido Medico, cu bo ta trata bida di hende, bo ta trata salud di hende.Minister Dangui Oduber a splica riba kehonan cu ta bin dilanti cada biaha. E kehonan hopi biaha ta relaciona cu e tardansa pa haya yudanza medico na Eerste Hulp. Tin keho cu ta bisa cu ta warda 3, 5, 6 ora. A reuni cu director di hospital, cu director di AZV y a busca posibilidadnan kico por wordo haci di inmediato como Gobierno, ki accion por tuma pa baha e cantidad di ora cu cada pashent tin cu warda ora nan bay eerste hulp.

Basta pashent Eerste Hulp ta traha pa dia y no ta tur caso ta emergencia. Por ta 30 pa 40 caso ta realmente casonan di Spoed Eisende Hulp. Casonan cu tin cu wordo trata cu emergencia. Minister Dangui Oduber a splica cu nan a atende cu Hospital pa mira con por baha  e presion riba Servicio di Emergencia, brinda servicio cu comunidad ta spera for di AZV, for di hospital y den e caso aki a yega na un palabracion. Ya caba tin decision cu a wordo tuma segun e mandatario. Tin dos localidad na e momentonan aki habri na hospital y den e dos localidadnan aki, AZV ta bay cubri dos dokter di cas, cu nan tarea lo ta pa atende y asisti tur caso di emergencia di SEH.

Dos dokter

Mas leu Minister Dangui Oduber a splica cu a logra pa pone dos dokter pa atende cu e casonan cu no ta emergencia. E casonan di emergencia mester wordo traha como emergencia. Kier logra baha e presion riba SEH, reduci e cantidad di oranan cu  un pashent ta warda na e momentonan aki, ora e bay busca un ayudo medico y asina tambe cumpli cu e demanda cu tin pasobra, ora bo ta sinti malo, e prome cos cu bo ta pensa riba dje, ta bay SEH. Bay busca un ayudo di emergencia. E ora e casonan di emergencia lo wordo trata manera cu e ta wordo trata na e momentonan aki. Ta mira si tin dokter disponibel na Aruba cu por cuminsa mesora. Pero en todo caso ya caba a yega un palabracion entre hospital y AZV cu lo bay cubri e dokternan di cas aki. Asina aki tambe ta cumpli cu e promesa haci den campaña cu lo pone e hende central y cu accionnan asina cu ta wordo tuma pa gobierno, pueblo por ta sigur cu e cantidad di ora cu nan ta warda na e momentonan aki na SEH, sigur lo conoce un reduccion. Pa 8 aña largo, esaki no a wordo haci. Ta un decision cu por a wordo tuma, pa hopi tempo caba. Lamentablemente e gobierno anterior tabata tin otro prioridadnan. Asina aki lo keda atende cu salubridad publico, pasobra salud di nos hendenan ta un priodad. E ser Humano ta central awor aki. Pueblo por ta sigur cu e cantidad di ora cu nan ta warda na eerste Hulp lo bira menos. E decision aki por a tuma lugar hopi tempo caba.

Pero en todo caso ya caba a yega un palabracion entre hospital y AZV cu lo bay cubri e dokternan di cas aki. Asina aki tambe ta cumpli cu e promesa haci den campaña cu lo pone e hende central y cu accionnan asina cu ta wordo tuma pa gobierno, pueblo por ta sigur cu e cantidad di ora cu nan ta warda na e momentonan aki na SEH, sigur lo conoce un reduccion. Pa 8 aña largo, esaki no a wordo haci. Ta un decision cu por a wordo tuma, pa hopi tempo caba. Lamentablemente e gobierno anterior tabata tin otro prioridadnan.

Mas localidad

Segun e mandatario, gobierno kier bin cu un centro medico adicional den e bario di sea Paradera, Piedra Plat of Santa Cruz. Ta buscando un localidad pa esaki. Tin contacto cu minister di Infrastructura, pa mira ki terenonan tin disponibel pa esaki. Ta parti di e vision cu gobierno a pone pa mehora e cuido, duna e hende atencion, pa despues di e gobernacion aki, pueblo a sinti e cambio y sinti e diferencia cu di berdad tin un gobierno cu ta duna atencion na e hende, na e salud publico y tur hende por bisa despues di e 4 añanan aki, cu nan a nota un cambio pa loke ta salubridad publico.

Fondonan

E fondonan ta bay sali for di AZV. El a duna un green light caba cu nan tin e fondonan disponibel pa por cumpli cu e pagonan di e dos mediconan general aki, dokternan di cas cu tin cu bay traha for di awo padilanti na hospital. E periodo cu a stipula pa e dokternan aki cuminsa traha, ta den un periodo hopi corto. Ta pone un luna pa wak si por haya un hende local, cu ta disponibel, cu ta cumpli cu tur exigencia pa por yuda. Por mira riba rednan social, ta haya hopi keho, hopi critica cu hopi hende ta warda pa oranan largo y esaki ta un di e motibonan pakico a tuma un accion di inmediato pa purba reduci e cantidad di ora cu ora un persona bay busca un ayudo medico na SEH.