E aña aki comision organisado mes lo encarga cu mayoria vestuario di e candidatanan cual ta haci e gasto mucho mas abou pa e mayornan. Esaki ta duna e oportunidad pa hoben cu tin deseo di participa pero hopi biaha no tin e forma di por participa.
Miss Teen Aruba International a sa di demostra durante hopi aña cu nan ta mucho mas cu un concurso di belleza. Como hoben e candidata lo siña pa conoce su mes y por siña descubri su mes tambe, tur su habilidadnan. Nos lo guia e hoben cu seminarionan educativo pa asina por dun’e e hermentnan cu e por usa den su futuro y cu por yud’e den su trabou den futuro, tambe guia di pasarela, etiketa, comportacion social, papiamento y tambe seminarionan recreativo y dibertido.
E candidata lo ricibi tambe e guia con pa maneha situacionnan social y cultural.
Hoben si bo tin entre 14 pa 19 aña y bo tin deseo di experencia un bunita temporada di crecemento personal ata bo oportunidad.
Mayornan si bo ta desea pa bo yiu siña conoce su mes, descubri su habilidadnan y sin cu bo mester inverti hopi placa den esaki tuma e oportunidad pa asina por participa y bira nos proximo embahadora hubenil.
Si ta desea mas informacion por Whatsapp nos na 5616151. Diabierna awor na Tanki Leendert 100F lo tin un anochi di informacion pa tur mayor y hoben interesa.
Ultimo dia pa inscribi ta dia 20 di mei ya cu instalacion lo tuma luga diasabra 3 di juni. Final di Miss Teen lo tuma luga diasabra 22 di juli 2023 den Cas di Cultura.
