Durante e ultimo lunanan, e situacion di aumento di schoolgeld sigur tabata tema di preocupacion cerca hopi mayor. Tin algun scol cu a aumenta e schoolgeld drasticamente.
Den un declaracion na nos redaccion, Minister di Enseñansa, Endy Croes a bisa cu den e ultimo 10 añanan, e Gobiernonan na mando no a aumenta e normbedrag, cual ta e financiamento di Gobierno den un asina yama exploitatiesubsidie. Relaciona cu esaki, ex-minister di Educacion, dr. Rudy Lampe, miembro di directiva di RED Democratico, a bisa cu lamentablemente mester bisa cu Minister Endy Croes ta gaña. Pa bisa esey di un minister di educacion, cu e ta un gañado, ta algo hopi tristo.
Lampe tabata tin hunto cu ne ‘Overdrachtsdocument’, cual el a entrega na Endy Croes, na momento cu el a baha como minsiter. Den e documento ta splica, na pagina 10, bou di e titulo di e Begroting, cu durante e Gobierno di Gabinete Wever-Croes I, di cual partido MEP cu Endy Croes ta forma parti, ta bisa pa redirigi n’e gastonan pa recursonan ta destina na beneficia e studiante- y alumnonan, cu e meta di aumenta e normbedrag pa cada alumno y tambe compra di material di estudio digital.
Pa mas lesa TREMPAN.
