Desde comienso di e proyecto di e construccion di un hospital nobo tabata e comienso di pesadilla pa tur empleadonan di hospital y e pashentnan cu mester a soporta pa traha den situacion nan insigur na pia di trabou. Cu zonidonan fuerte, stof, holo malo di boiler, lekmento di azeta, tubonan di awa ta kibra, mudamento continuamente di un sitio pa otro. Diferente biaha mester a stop actividad operacional entre otro operacion nan planea. E testnan di radiologia ( CT scan/ x ray/ echo enz…
Un crecemento di lista di espera pa operacion. Ta tira e pashentnan di cashi pa muraya. E trahadonan bou di un stress enorme y awe ainda e construccion no por keda cla. Na final ta pueblo tin cu bay paga pa e proyecto fracasa aki y di awor caba tin algun departamentonan cu ta cla caba mester di un renobacion pa mal calidad di trabou. Enves nos a crece den mas cama pa pashent a bira menos cama den e renobacion di un hospital nobo.
Mientras tanto SOGA i e contratista general OHL a yega na un acuerdo mutuo y a termina e contracto despues di un disputa entre partidonan. Mientras tanto a sinta cu tur e stakeholdernan pa termina e proyecto aki cu e contratistanan local. Tin un presion enorme riba personal encuanto e cama nan y capacidad di admision. Pa garantisa cuido medico na comunidad di Aruba y tambe turismo mester caba cu e proyecto pa asina tin mas espacio pa interna pashent den hospital. Un di e aspecto nan cu tin cuido en general lomba contra muraya ta e inkorting 5.5% cu t’ey keto bay riba cuido cu tin consecuencia pa ofrece un bon calidad den cuido.
Practicamente tur CAO ta para pa e motibo aki. ABV ta spera cu pronto lo stop e inkorting 5.5% aki i por spera pronto accion di protesta si no bin un paro den esaki.
