Dialuna tabatin un declaracion di minister presidente unda el a comparti cu comunidad riba e topico di aanwijzing, conseho cu CFT a manda pa Rijksministerraad, lo ta trata. Pero e decision mes lo ta tuma na october-november, AVP ta conclui un biaha mas cu minister presidente ta cumprando tempo.
mr. Gerlien Croes, parlamentario di AVP, a indica cu minister presidente ta inventando e bunita storia atrobe di purba bende Hulanda, pa asina purba convence nan di mester tempo pa soluciona e problemanan na Aruba. Realidad ta cu e problemanan cu e mandatario mes a ocasiona y Aruba ta bibando den dje pa cinco aña aden, cu el a demostra di no por solucion’e. E parlamentario a indica cu mester wak kico Hulanda ta bay contesta riba esaki.
AVP no por imagina su mes cu CFT ta manda un conseho pa RMR, minister presidente Rutte y su coleganan ta bay no tuma e consehonan aki na serio. Si esey ta e caso CFT no mester manda conseho mas y no mester bin informa Parlamento di Aruba riba ningun desaroyo financiero dje pais aki. Pasobra ni cu nan manda conseho pa gobierno ni cu nan manda conseho pa Rijksministerraad ningun hende ta scucha nan toch.
