Algun ora pasa na Nieuwe Haven, Corsou, Corte di Apelacion a duna su veredicto den e caso di ex politico y ex minister Jorge Jamaloodin. Un tribunal di tres hues a bay di acuerdo cu e peticion haci di parti di ministerio publico pa un condena di 30 aña. Esaki ta e castigo cu Jamaloodin ta ricibi como autor intelectual di e asesinato di e politico Helmin Wiels bek na 2013 conoci como caso Magnus, ademas di a ser declara culpabel di corupcion den e casonan di Passaat y Germanium.
E ekipo di defensa di e ex-minister di finanzas, e prome despues cu Corsou a obtene su autonomia na 2010, a consisti di nada menos cu cinco abogado, encabesa pa Profesor Stijn Franken. Esaki a argumenta cu Wiels tabatin hopi enemigo y cu hopi punto ainda no a keda aclaria dor di e ministerio publico den e caso aki. Sin embargo, Fiscal ta sinti cu a demostra e relacion entre Jamaloodin y Nini Fonseca, kende a fungi como intermediario, a traves di SMS entre ambos. E autor material di e asesinato cu a conmociona nos isla ruman, cabando cu bida di lider di partido Pueblo Soberano ta Elvis Kuwas.
Pa mas detaye di e caso aki y di e sentencia dicta ayera, lesa e cobertura amplio den e edicion di mañan di bo corant digital TREMPAN na www.trempan.com
