Diahuebs anochi un grupo grandi di persona a acudi pa un encuentro den cual tabata presente tambe prome minister mr. Evelyn Wever Croes. E tema principal di e encuentro tabata e plan di minister Armando Rudy Lampe pa uni Scol Paso pa Futuro cu Emma School bou di un solo dak na e facilidad na Ayo. Un plan cu maestronan di e dos scolnan aki no ta di acuerdo cu ne. “Enseñansa Special ta core peligro cu plan di minister Lampe,” esaki ta loke ta e maestra Zuleika Wever a expresa na final di e encuentro.
E tabata un anochi cu a conmove hopi di esnan presente, ya cu a comparti informacion riba kico ta Enseñansa Special, un trabou cu ta hopi mas profundo di loke hopi hende ta pensa. “E no ta solamente duna educacion na materianan limita pasobra e mucha no por mas cu esey, y e ta un preocupacion pa nos como maestro. Y bisa cu ta trece mas mucha den e klas, limitando e maestronan den nan esfuerso pa haya e mucha su atencion y dun’e e atencion necesario.”
Speransa di e maestronan awo ta riba prome minister cu e por para e plan, manera el a haci aña pasa, si esaki no tin e apoyo di e veld.
Pa mas informacio, lesa e siguiente edicion di TREMPAN.