Diabierna mainta a pidi presencia di polis na Departamento di Impuesto (DIMP) pa un bomboshi cu a tuma luga entre un hende muhe y e personal di siguridad di Cuerpo Especial Arubano CEA.
Na momento cu polis a presenta, e personal di CEA a informa cu tin un bishitante cu no tabata tene su mes na regla y pa e motibo aki a hala su atencion of e lo tin di bandona e luga. Esaki a sosode den careda di 11:00 am. E peticion no a cay den bon tera.
E dama aki tabata paden pero no tabata sigui e reglanan stipula. A purba comunica esaki cu ne pero no tabata rasona. A bay asina leu cu el a lanta cu e personal di siguridad y cuminsa bringa cu ne.Pa e motibo aki a pidi presencia di polis na sitio.
Segun por a compronde, despues di basta intermediacion, a logra calma e contribuyente aki, pa asina e logra di tene su mes na regla. Un rato despues polis a bandona sitio.