For di e momentonan aki e Hyundai I10 Grand Sedan, cu su prijs normal ta 33.150 florin, Garage Centraal ta poniendo e autonan aki disponibel pa apenas 28.450 florin.
Ta papiando aki di un descuento di 4500 florin mas of menos, cu ta e nivel di descuento cu Garage Centraal a yega di pone den un vehiculo den e rango aki di prijs, segun Rodney Kock di e departamento di benta.
For di momento cu a ricibi e auto aki, el a wordo bon ricibi pa esnan cu ta bay den stad. Ta trata di un auto sedan practico, un auto mas compacto. Awor aki a tuma e decision cu ta bay release loke cu tin den stock awor aki, cu 28.450 florin pa henter e pueblo di Aruba.
Basicamente e ta un tremendo oportunidad pa bo haya un auto sedan compacto cu e nivel di calidad cu Hyundai ta ofrece.
Garage Centraal ta compronde cu e ciudadanonan ta buscando e miho dealnan pa drenta den un auto nobo y esaki ta e manera di bisa cu por drenta den un auto nobo cu calidad halto y toch riba un prijs rasonabel. Esey ta e direccion cu Garage Centraal ta tuma.
E invitacion ta keda na un y tur pa pasa bishita Garage Centraal, check bo I10 Grand nobo di Hyundai y sali cu bo auto nobo riba caminda.
E Hyundai I10 Grand Sedan tin un variacion di color. Importante pa tene na cuenta ta cu manera hende cuminsa bin pa nan auto, e variacion di color por varia. Conseho ta pa si bo tin un preferencia hopi specifico, pasa mas lihe posibel, wak cua colornan cu tin den stock, na e momento ey y e ora bo tin mas opcion pa bo scoge e color di auto cu bo ta desea.
Rekisitonan
Normalmente e rekisitonan cu ta pidi pa un fiansa ta basicamente ta loke e banconan ta pidi/ Mester bin cu un ID valido, bo ultimo dos payslip of ultimo cuater payslip si bo ta cobra cada 15 dia. Un carta di dunado di trabao. E papel di Censo di cinco florin of un recibo di awa of coriente na bo nomber. Overall ta esey ta wordo pidi door di e banconan pa bo financia un auto asina.
Cu e descuento cu Garage Centraal ta ofrece, e pagonan mensual lo keda hopi rasonabel.
