Awe mainta rond di 8’of a sosode un accident na Sabana Liber, ora cu un chauffeur a lubida di lanta handrem.
E señora di edad tabata hibando algun mucha scol, na momento cu el a dicidi di pasa na un snack pa cumpra algo di come. E muchanan a keda den auto, mientras cu e señora a baha, lubidando di lanta handrem.
Canando direccion di e snack, el a mira cu e auto, cu tabata den neutral, a cuminsa bay atras. Mesora e chauffeur a trata di core pa yega na e vehiculo y lanta handrem, pero den su intento el a trompica y a cay. E vehiculo a sigui move, crusa caminda den “reverse” y a bay dal den poco cadushi na otro banda di caminda.
E muchanan den e auto a sali ileso y ambulance a bini pa trata e señora cu e sufri un accidente den intento pa evita un accident cu su auto.