E futuro rotonde pa Boegoeroei, ta causando bastante problema cerca e bisiñanan. E ta situa net banda di Fermin’s Bar y Completo Deportivo Frans Figaroa.
Y pa algun dia caba, no tin ningun tipo di trabao andando den e area aki. Awor aki, automobilistanan tin cu uza un otro ruta pa bypass e T-weg aki. Sea nan tin cu pasa via Montaña of pasa bay abao via Boegoeroei, cual ta OK, pero no ta un caminda apropia pa miles di auto pasa tur dia banda di otro bay abao of bay ariba.
A cuminsa cu e trabao, a kita e comparticionnan di caminda. Pero a resulta cu tin un disputa entre e bisiñanan y esnan cu ta haciendo e proyecto aki.E trabaonan aki ta wordo monitorea door di DOW y akinan, aparentemente DOW lo mester a faya un caminda pasobra nan no a realisa cu den e plan, e pintura, nan a coy un parti di entrada di e bisiñanan den becindario.E bisiñanan cu ta biba eybanda, na dado momento a cuminsa reclama cu ora nan a mira cu cierto puntonan di marca of penchi, nan a tuma nota cu e caminda ta bay stroba entrada di nan cas.
Esaki ta cosnan cu automaticmente DOW, cu ta monitor e situacionnan aki, mester por sa miho. Na momento cu bo mira cu tin trabaonan andando of tin pinturanan ta wordo pinta pa traha un rotonde of cualkier otro proyecto, mester percura cu no ta bay obstaculisa of bira un problema pa esnan cu ta den vecindario.Ta netamente esey ta loke a sosode cu awe mester a trece cambionan riba pintura y hasta bisiñanan tabata cla pa bin cu un demanda contra sea e contratista of gobierno, DOW, den e caso aki.
Nan entrada di cas a wordo blokia di tal forma of stroba, of cambia di tal forma cu nan no por yega, nan no tin acceso na entrada di nan cas.A cuminsa prome pa acerca esnan concerni y nan a logra tambe pa bay mesa. Si na mesa no a yega na un solucion, bisiñanan lo a bin cu un demanda legal. Parce cu esaki no a yega asina leu. Pero nan ta pendiente y ta pesey trabaonan ta para awor aki, pasobra nan a pone riba papel y a bay di acuerdo, cu nan lo haci e cambio di tal forma cu lo no perhudica e bisiñanan pa entrada di nan cas, pa loke ta auto, den e vehiculo cu mester drenta y sali. 
Nan ta bay haci e cambio di tal forma cu no lo perhudica e entrada di e bisiñanan, cu tabata cla pa dal un paso legal contra DOW of tambe e contratista cu kier a haci e rotonde aki. Awor aki trabao cu mester a dura dos luna, ta para pa varios siman caba, pendiente di e cambionan di e plan cu mester tuma luga, prome cu sigui cu e trabaonan.Dimes, bisiñanan mester mira con e lo bay cana, con e lo bay ta e siguiente plan, e cambio aki, pa finalmente e no bira un problema pa nan entrada di cas. Nos lo bay monitor e situacion aki. Trabaonan ta para. Esaki ta un di e adernan principal di Playa bay Noord, Noord pa Playa. Pero na momento cu tur cos keda cla, trabaonan lo cana rapido y finalmente lo haya e rotonde aki cu lo bira un area mas safe tambe pa trafico, pa motibo di e rotonde cu mester bin riba e T-weg aki.
Kisas e bisiñanan banda pabao of otro banda kehando, tin suficiente espacio banda p’ariba, cu por alarga e rotonde aki via di un pida di e parkinglot di Compleho Deportivo Frans Figaroa.
Ta keda pendiente y lo monitorea henter e desaroyonan cu tin di haber cu e situacion di e construccion di e rotonde na Boegoeroei, cu ta para 100% awor aki, pa motibo di disputanan cu a bin entre e bisiñanan y esnan cu ta den e trabaonan pa construi e rotonde nobo aki. No sa si ora e keda cla e lo por ta un peliger tampoco. Por mira cu e stacanan ta pasa cerca di e restaurant, pero aunke pa hopi tempo e restaurant tabata tey. Esnan cu ta kehando ta e bisiñanan cu ta biba den e zona aki, cu a perde entrada di nan cas pa motibo di e construccion di e rotonde aki.
