Awe den oranan di mainta tur cos a keda cla pa transporta e futbolista Amy Henao pa Colombia.
Amy ta e hoben di 18 aña, kende diahuebs ultimo a sufri un accidente basta serio na Paradera. E accidente aki ainda ta bou investigacion.
Na momento cu a yega hospital a constata cu e hoben futbolista, di e team di Britannia, a sufri basta sla interno y tabatin un hemoragia. Specialistanan a traha pa stabilis’e pa por transporte mas lihe posibel pa Colombia,. Un hecho cu mester a tuma luga awe mainta 11’or.
Sinembargo Air Ambulance cu mester a yega di Colombia, a sufri un retraso. Den careda di 1.30 despues cu e hoben tabatin un ora cla caba, tabata asina leu cu a hink’e den ambulance pa hib’e aeropuerto mientras cu su mama ya caba tabata na pia di e Air Ambulance ta wardando.
Rond di 2’or di merdia Air Ambulance a lanta vuelo pa Cali, Colombia. Hopi forsa na e hoben y famia den e lucha pa salud di Amy.
