Fundacion Fe Esperansa y Amor ta traha pa henter comunidad di Aruba, specialmente esunnan cu menos recurso, esunnan bandona cu ta sali di centro. Ningun famia kier nan, pasobra como persona “nos gusta marca hende pa loke nan a haci”.
Despues cu e hendenan aki sali di centro rehabilita, nan no tin ningun hende pa apoya of guia y p’esey e luga ta existi. Nan ta yuda hende door di paña, cuminda y/of un luga pa keda. E no ta un luga di cinco strea, pero ta haci e obra aki pa cinco aña.
E no ta haya atencion ni oido, pasobra e fundacion no ta genera entrada. Rosalia Groeneveldt-Sanchez, director di Fundacion Fe Esperansa y Amor, a indica di no mester entrada. Loke e tin mester ta hende pa yuda mantene e luga. Nan tin e proyecto planta awe cosecha mañan. E ta planta y otro ta haya pa come.
Despues di pandemia, hopi hende a bira malo, hopi no tin un pida pan of no tin trabou. Esunnan cu ta traha, nan a corta gasto. Tin diferente cos cu por yuda y e ta mira cu Aruba ta bay biba manera antes, esta biba di plantacion.
