Diaranson, pa mas of menos 7’or di anochi, polis a presenta na un adres na Sabana Liber pa un problema di pareha cu a bay fo’i man. Yamadanan tabata drenta cu den e pelea tin hende ta core tras di otro cu cuchiu. Hasta a menciona cu tin hende herida cu corta y hinca. Eynan polisnan a bin topa na un apartamento na e adres, un homber fotografo Santiago C cu un corta na su man basta bon. A pidi asistencia di ambulance, kendenan a yega rapidamente pa asina atende cu e herido.
Segun cu por a compronde, a start un pelea entre e homber y su pareha. Aki e dama a pasa man pa un cuchiu cu e intencion di hinca e homber. Pero esaki a sa di defende su mes, door di a gara e cuchiu, consecuentemente cortando su man malamente.
Polis a detene e muhe kende ta su pareha y a pidi pa transportwagen bin y hib’e pa warda di Shaba. Mientrastanto ambulance a hiba e homber hospital. E caso aki ta bao di un investigacion. Cuerpo tecnico tambe a bay na e sitio. A confisca e arma blanco.
