Hoben y adulto a bin hunto pa participa den e programa “Libertad Ta”

Diadomingo ultimo a tuma lugar e prome actividad di e Programa ‘Libertad Ta’, cu a wordo presenta pa ‘Fundacion Muchila Creativo’ den cooperacion cu Cede Aruba y Music Generations y ta continua cu mas actividad den e luna aki di november. Hobennan y adultonan a bini hunto na Centro di Bario Brazil y a dialoga cu otro, e dialogo a ser guia dor di Paula Engelen. Tambe tabata tin presencia di docente y studiantenan di IPA cu a hasi nota. Y tabata tin entretenimiento di Sr. Vicente Ras y Sodo y Cuero, y Sr. Vicente Ras tambe a participa y conta su storia di libertad.

“Libertad Ta…” ta un projecto cu ta trata riba e nificacion di e palabra ‘libertad’ pa tanto hoben cu nos grandinan. Aki ta e deseo di saca afo kiko e pensamento ta riba e sentimento di ‘sinti bo liber’. Y esaki ta e preguntanan cu e hoben ta hasi e adulto y e adulto ta hasi e hoben y asina nan ta intercambia nan storia. 

E siquiente eventonan lo tuma lugar un bez mas na Centro di Bario Brazil diadomingo dia 10 di November cuminsando pa 2:30 di atardi, lo reuni e hobennan y adultonan un bez mas durante un Family Day pa comparti nan storia, e nificacion di libertad pa nan. Diadomingo dia 17 di november lo tin workshops di percusion, contamento di storia, declamacion di poesia y workshop di rap cu lo cuminsa for di 1:30 di atardi. Entrada y participacion ta completamente gratis y lo tin refreshments y snacks gratis.

Pa of Fundacion Muchila Creativo na mas informacion por tuma contact cu CEDE Aruba na 5827666 of cu Fundacion Muchila Creativo na 5924343.

Libertad Ta…bo expresion tambe ta conta!