Francia a impone riba Argentina (4-3) den e partido di consagracion di Kylian Mbappe, kende tras di forsa un penalty y marca dos gol, a manda den e Albicelestenan pa lona y a hinca e combinacion Gales directo den e ruta di e grandinan faborito pa caba den gana e torneo.
E prome tempo a laga e sensacion di un enorme superioridad di Francia. Argentina no a logra sali cu limpiesa for di atras y e tremendo velocidad di Mbappe tabata un tremendo problema pa e ekipo Albiceleste. E combinacion di Deschamps ya a cuminsa avansa den minuut 8, cu un falta di Griezmann, kende a dal den e largero y den e siguiente 10 minuutnan, e ekipo blue a genera varios accion hopi preocupante pa e muchanan di Sampaoli.
Den minuut 12, a yega un di e hugadanan di Mundial. Mbappe a coy e bala den su propio campo y a pone sortea rival te ora cu el a drenta den e area rival, siendo cu el a wordo basha abao pa Marcos Rojo. El refereenan a señala penalty y Griezmann a transforme cu calma. For di e momento ey, e ekipo Europeo a sigui intimida den contragolpi y den minuut 19, un gran pase di Pgba riba Mbappe a caba den un falta peligroso den e frontal di e area cu e biaha aki, ehecuta pa Pogba, mandando e riba e porta di gol.
Francia a mira e opcion di sali asina facil di contragolpi, cu nan a precipita den varios ocasion, loke a permiti Argentina bin na poder pa pasa mas tempo den e campo rival. Den minuut 41 y den e contexto aki di partido, Di Maria a inventa un tremendo disparo for di e frontal di e area cu solamente a keda pega den e palo robes di e meta, defendi pa Lloris, poniendo e igualdad cu un golaso fantastico.
Den e di dos tempo, no por a cuminsa miho pa Argentina. Tabata un falta lateral bon provoca pa Di Maria, hinca den e curason di e area pa Banega. E bala a cay na pia di Leo Messi, kende a manda esaki pa e gol y Mercado, cu hopi suerte a desvia e bala cu a sorprende Lloris pa pone e partido 2-1 parcial.
E alegria noa dura mucho pa e Albicelestenan, cu den 57 minuut a mira con Francia a iguala e scoreboard. Tabata un hugada cu e dos lateralnan Gales a diseña; Lucas a yega na man robes te na e liña di fondo y a saca un centro riba e frontal di e area cu Pavard, for di un otro perfil, mandano pa e propio escuadra cu un gol absolutamente briyante.
E gol aki a laga e moral delicado di Argentina afecta, cu poco despues a mira con nan mester a rooi un biaha mas cu e scoreboard en contra. Tabata un hugada wanta den e area cu a caba cu e bala den e curason di e area. Eynan e gran heroe di e encuentro, Mbappe, a aparece, pa haci un gran hugada y saca un remate for di zurdo cu a sorprende Armani. Argentina, for di e momento ey, a bay ariba cu tur cos y Francia a manda un contragolpi aden. Mbappe a haci e 4-2 un poco despues den un gran contra y tras asistencia di Giroud, pa pone 4-2 riba e scoreboard. Cu orguyo Argentina a purba di responde y Messi a pone un gran bala na e cabes di Aguero, cu a recorta distancia, aunke no tabata tin suficiente tempo pa obra e milager.
Foto: FIFA©
