E concierto di fin di siman a bay bon pero na mes momento tin reaccion riba mayornan iresponsabel cu a hisa yiu menor bay concierto cune.
Esaki ta algo malo pa e muchanan mes. Kizas un mayor iresponsabel lo contestabo cu ta su yiu y no ta bo problema. Asina mes e reaccion ta keda negativo contra e actuacion aki. Na porta seguridad tambe mester ta un tiki mas responsabel pa tipo di situacionnan asina. No por laga un menor di edad asina drenta. A mira cu tin hasta baby den stroller.
Un concierto caminda mester a exigi cierto edad. Berdad e artistanan ta atrae tur edad pasobra nan canticanan ta kick pa diferente edad. Pero nos mester ta mas responsabel. Un mucha asina den oranan di marduga den concierto y pa colmo diferente mama ta bebe y nan yiu cu sonjo den nan brasa. Otro ta wak yiu den stroller y musica duro ta bati causando un danjo na oido di e pober criatura.
Instancianan manera Voogdijraad, socialezaken, Quota Club etc mester ta atento pa cosnan asina y manda mensahe pa e mayornan riba nan resaponsabilidad. Spera cu e utlimo dia di concierto pone mas atencion na e situacion aki. Mester exigi cierto edad pa conciertonan asina. Kizas 12 anja bay ariba. Alcohol y desordo den un concierto caminda a mira presencia di muchanan hopi chikito y baby hasta.
