Door di e reforma fiscal a bin cu cambio pa loke ta trata e fondonan cu mester ta destina pa Tourism Product Enhancement Fund (TPEF). Pero e minister, a pesar di esaki, a bisa cu e fondo cu TPEF lo haya lo varia entre 2.9 y 3.3 miyon florin, caminda cu toch ta mira cu varios proyecto lo bay rekeri di mas tempo, p’asina nan por bira realidad, p’asina e ora ey engrandece of mehora nos producto di turismo na Aruba, segun Aquannette Gunn, miembro di fraccion di partido MAS, despues cu tabatin un reunion publico den parlamento, unda cu a trata e fondo di TPEF pa loke t’e aña 2023.
Practicamente den e caso aki, tin cu bisa cu partido MAS a mira un adelanto pa loke t’e cumplimento pa loke t’e ley di contabilidad trata na comienso di aña. Berdaderamente MAS a prefera p’esaki ta trata na final di aña. Pero e minister a duna un splicacion pakico esaki no a tuma luga.
Fuera di esaki tin di bisa cu tin hopi proyecto cu tin cu bay enfoca riba e aspecto directo berdaderamente pa engrandece nos producto turismo. Esey toch fraccion di MAS ta desea pa mira mas claridad riba esaki.
Partido MAS a para cu ora ta un proyecto of un ley cu ta regarda e bienestar di nos pais, MAS ta para su tras irrespecto cu ta forma parti di oposicion n’e momento aki.
