EPB tin un evento cual ta manera un Fit Challenge y pa esey nan a haya varios premio. E muchanan por a train siman pasa, caminda cu nan por a inscribi. Nan a competi awe pa e premio, consistiendo di dos ticket pa Palm Island pa e ganadornan. A haya premio di Bula tambe pa di dos y di tres luga y pan di Subway, segun juffrouw di Gym Noortje Derksen.
EPB tin diferente richting, entre otro Servicio, Techniek y Administratie. Awe e muchanan di Servicio a haci un examen opdracht.
Nan richting ta Verzorging y den e vak di gym nan a siña con pa guia actividadnan pa mucha, pa stage y hende grandi y tambe actividadnan pa muchanan di scol.
Pa nan examenopdracht nan mester a organisa e challenge. Nan a haci propaganda na scol. Nan a bay Palm Island mes y saca un potret p’asina e ta trending na scol pa asina e muchanan por haya smaak pa drenta den e challenge.
Esey ta e cos di mas dificil. Aunke e e challenge ta pret, pero e ta cay pafo di e oranan di scol. E muchanan cu a participa ta esun cu kier a keda. E challenge riba su mes tabata yen. Un mision cumpli, segun e docente,
E muchanan cu a participa tabata riba diferente nivel. Por a mira muchanan di administratie, techniek y servicio mes. Den un solo palabra One Big Happy Family.
Tabata tin por lo menos 40 mucha cu a participa. Por ta dos hoben inscribi no por a participa pa motibo di lesuur. Tabata tin un lista di espera, di manera cu e dosnan cu no por a participa, nan luga a wordo ocupa pa dos cu tabata riba e lista aki.
Un experiencia nobo
Zaymon Loopstok ta di klas KD4 di EPB y e ta conta cu e opdracht tabata di fitchallenge manera cu e docente a indica, esta Crossfit. Nan tin un meta pa tur e alumnonan pasa bon, keda fit pasobra awendia cu loke tin riba caya di junkfood, mester di dje.
Loopstok ta sigui conta cu e ta na e scol pa 8 aña y nunca nan a yega di haci algo asina. A test esaki y cu el a bay asina bon cu nan ta sigur cu nan lo bay ripitie otro aña pa examenklas. E challenge aki a wordo haci cu 11 otro colega mas tur den e mesun klas.
Loopstok ta gradici specialmente e sponsornan cu a yuda pa e evento aki a bay door, principalmente Palm island, Subway. Ta gradici Rode Kruis pa a bin duna nan sosten. Na tur e docentenan cu a yuda haci e evento aki posibel.
E ganadonan di e challenge ta:
- Alejandra Serano
- Thenika Edwards
- Dayelis Perez
- Joaquin Pieters
- Joshua Muñoz
- Tyrell Wanga
