Diabierna durante henter dia corte a trata e caso contra e dos hobennan Aaron Rodriguez y Kion Sena, envolvi den e caso di asesinato di Anthony Carti, conoci como Juni Maton.
E dos acusadonan a bisa cu nan no tin nada di haber cu gang pero a haya nan mes memey di problema entre dos gang so, esun di Pos Chikito y esun di Bushiri.
Aparentemente e victima Carti a kere cu nan tabata di e gang di Bushiri y a pasa Aaron un mokete. E hoben aki a saca un arma, cu el a bisa a haya na suela un rato prome y a los un tiro dirigi riba Carti y despues a los un mas. Aunke e ta bisa cu e no a tira dirigi, e videonan cu a pasa den corte ta mustra cu esaki tabata asina.
Mientras cu Carti tabata na suela den agonia pa e tiro cu a alcans’e den su curason, Sena a yega cu e machete cu e tabata cerca dje y a baha esaki riba su cabes causando un lesion profundo. Despues a herid’e un biaha mas cu e machete na su brasa y djey a huy.
E tiro a resulta fatal p’esey a pidi pa declara Aaron culpabel di a tira Juni mata y den e caso di Sena, a pidi pa declar’e complice den matamento.
Aki tres siman pues dia 14 di juli tin sentencia.
Pa un relato mas amplio, lesa siguiente edicion di TREMPAN.
