Awe diabierna tabata ultimo dia cu por a uza BlackBerry Messenger, c uta disponibel riba Android, iOs y celularnan BlackBerry.
E ta final di un era, den un di e celularnan cu mas siguridad tabata brinda e consumidor.
BlackBerry lo haci BBMe, e version ehecutivo di BBM, disponibel pa uzo personal. A recorda e usuarionan pa corda haci “back up” di combersacionnan, potret y otro datanan prome cu final di dia, ya cu lo perde acceso na tur e informacionnan aki.
BBM, cu ta para pa BlackBerry Messenger, a wordo poni na 2005 riba Mercado, dos aña despues di e prome iPhone. E tempo ey e tabata un herment di oro pa servicio di mensahe. Pero desde yega di smartphone, y cu servicionan manera iMessage y un variedad grandi di otro servicionan di mensahe y apps, BBM a bira menos importante cu nunca.
Awo BBMe lo mester apodera di e servicio aki. BBMe ta ofrece e mesun servicio di mensahe. En principio e ta mustra mescos cu nada no a cambia. Pero e lo no ta mescos. E ta gratis pa e prome aña y despues lo costa 2.50 Dollar pa un abonnement di seis luna. Den e era di awendia cu tin un cantidad di apps di mensahe gratis, lo por nifica cu solamente e amantenan grandi di BBM lo opta pa sigui cu BBMe.
