Despues di Trebor S’Roc su exito manera “Kurason y Mi ke por [Tra tra tra]” ambos ocupante di posicion clave posicionando su mes den e miho tresnan di topnan musical local, awo t’e momento exacto pa lansa e tema promocional aki. Nan ta lansa Trebor S’Roc su prome senciyo pa 2024 titula “Fiest’awe”.
E tema’ki ta un mescla di instrument nan clasico di cual a invita e cuarteto di cuerda pa combina esaki cu ritmo nan urbano di Caribe.
“Fiest’awe” tin un mensahe vibrante di biba pa loke nos ta biba awendia pa awe. E ta papia di brasa bida cu tur su cos nan bon y di mes esunnan menos bon. Den e tema aki Trebor S’Roc ta resalta e harmonia di instrumento nan clasico, pero tambe e zonido alegre y energetico di e ritmo Soca Caribense.
E tema aki ta representa e forma di biba y disfruta di momento nan presente, di no laga bida pasa bo bay, biba y gosa awe. Ademas con cu bida bay nos tin di wak’e manera “Fiest’awe”!
Mester resalta e talentoso cuarteto di cuerde “The Urban Classic X-perience” cu a haci nan magia dunando asina un toke magico te hasta unico y habri un un spectrum di zonido diferente c’un otro dimension di loke ta zonando riba ‘mainstream’.
Simplemente gosa di e fusion aki di Trebor S’Roc cu a canalisa esaki di un forma metodico na nos dushi bida, asina ta ban “Fiest’awe”
