Di parti di Carubbian Foundacion ta hopi entusiasma, como tambe e comunidad di San Nicolas, pa edicion, e era nobo cu Carubbian ta bay drenta. Diahuebs awo, dia 24 di Augustus, cuminsando pa 6’or di atardi, te cu 10’or pa 10’or y mey di anochi, ta di fiesta den San Nicolas, celebrando e cambionan grandi cu Carubbian a haci. Segun Joseanne v/d Biest kende ta PR Rep di Carubbian, a splica cu nan a cambia di luga, a cambia e show. Nan ta full revampo cu energia nobo. Lo drenta via Promenade y lo bay haya na entrada di O’Neals, lo bo wordo inspira pa artesania local, artistanan y tambe Cosecha. Ta sigui cana den direccion pa e main stage, cu ta bay ta riba e rotonde cu tin dilanti di Nicolaas Store. Eynan ta bay tin e VIP Area cu e mainstage, unda cu lo bay deleita Aruba completo cu un show completamente nobo, cargando e titulo di “The rising of Sint Nicolas” cual lo cuminsa 8’or di anochi. Pa esnan cu ta bin tempran, bin come y pasa gezellig na Carubbian.
Ora cu bo yega Nicolaas Store, bira na man robes, direccion di Watertoren, ta drenta den e foodcourt area. Den e foodcourt area ta papia aki di cumindanan criyo, cuminda di Surinam, cuminda Caribense, cos dushi y tambe tin un stage chikito eynan cu banda local cu ta bay entretene y rond di 7’or y mey pa 7:45, lo bay tin un sorpresa riba e Watertoren na San Nicolas, preparando pa 8’or pa ranca sali cu “The Rising of Saint Nicolas”, unda cu Carubbean, no ta solamente como e fundacion cu ta crea festival Carubbean, pero como tambe como meta tin pa eleva, no solamente e festival, pero por medio di e festival, hiba e herencia cultural di San Nicolas padilanti, eleva su calidad y cont’e.
Loke cu ta haci cu e show aki, ta bay conta e historia di San Nicolas den un forma musical y unico antes bisto na Aruba. Pa pone cherry riba e bolo, ta bay clausura e evento aki cu Tsunami.
For di tempran
Ora cu bo caba di traha, bin celebra bo siman eynan, na Carubbian Festival. E invitacion ta bay pa turista y local. Kier a pone enfasis cu pa dia 24 ta invita Aruba completo pa bin celebra e edicion nobo di Carubbian.
Mensahenan pa hotel
E idea tabata pa trek e turista p’ariba. Ya caba a reuni cu diferente congierge di e diferente hotelnan. Oficina di turismo ta informa y a wordo invita pa Carubbian, como tambe tur partner den e area di Tour Operators, cu a wordo cordialmente invita pa forma parti di e edicion nobo aki. E prome edicion di aña di Carubbian. Conoce e esencia nobo como Carubbian Foundation. For di eynan esey lo yuda pa nan por yuda e fundacion pusha Carubbian bek pa tur siman, for di awo pa November y pa otro aña, pa nos bishitantenan tambe por bin.
Positivo
V/d Biest a comenta cu a regla mas di 75% caba di tur e debenan cu a keda atras. Pesey a tuma e pauze aki pa rectifica algun asunto y na mesun momento a tuma e oportunidad pa revamp loke ta full e show. Partnernan y tur esnan cu ta envolvi cu Carubbian ta sumamente contento cu ta cuminsa bek y a rectifica e cosnan cu mester a wordo drecha.
Na placa
V/d Biest no tin un bista completo pa loke ta trata placa. Pero e ta kere, los di e hecho cu nan ta en principio, cuminsando hopi positivo cu e Carubbean aki y pushando hopi mas e vendornan y economia na San Nicolas.
Futuro
Mirando e board a wordo renoba, ta creando un team tambe nobo, un team mas grandi, pa asina aki hunto traha pa percura pa no desvia di e casonan cu mester wordo regla.
