DOW tin un rol pa hunga den eleccion tambe. Marlon Croes, director di DOW a splica cu den cuadro di eleccion, DOW tin un trabao pa prepara tur e stemlokaalnan pa eleccion. Esey ta trece cun’e cu nan departamento di bouwkundig werken, ta bishita tur e urnanan y wak nan condicion y mehora, drecha esaki, pa nan ta apto pa fungi como un urna electoral.
Esey ta tumando luga. Tin un planning bon traha e aña aki, mescos cu 4 aña pasa, unda cu tin e materialnan nobo, stemhokken nobo cu a bin for di Hulanda caba, compara cu e aña anterior cu tabata tin e stemhokken cu tabata mas pisa, mas trabao pa setup. Awor aki ta habri y setup mas facil. Tur e borchinan ta wordo traha. Awor aki ta bay tin un planning ki dia ta mobilisa tur e urnanan y tin planning di dos dia prome cu eleccion, cu dia 20 di September, ta setup tur e urnanan y e dia di e eleccion mes, na e urna, lo trece tur e jugsnan cu ijs. Cada urna tin su facilidad, su stembussen, su stemhokken, su mesa, su stoelnan y tur loke ta rekeri pa e por fungi como un urna electoral. Eseynan ta den proceso y for di e team y bao di guia di Patrick Ketteldijk, ta haya tur feedback cu ta na tempo. Tur mankement cu por tin, por ehempel iluminacion, cu no ta funciona, si tin problema di acceso pa hendenan incapacita y si tin problema di man di porta di WC, ta coregi tur esakinan den e proximo simannan aki pa prome cu dia 22 di September, tur cos ta operacional.
Hende riba pia
Croes a splica riba e dia ey, mainta tempran lo tin hende riba pia pa caba di wak tur e detayenan cu falta, pasobra mester keda cla dos dia prome cu full e sistema. Tin hende riba pia pa controla si tur cos ta den bon condicion ainda y tambe pa entrega e jugnan cu ijs, cosnan pa e hendenan por pasa nan dia durante e eleccion.
Kico eleccion ta nifica pa DOW
Manera luznan ta cosnan importante, pasobra e ta bay te anochi. Tur e cosnan ey ta teniendo cuenta cun’e. Ta bishitando scol pa scol. Segun Croes, tur stemlokaal a wordo bishita. 4 aña pasa tabata tin 59. E aña aki tin 62 urna electoral y a bishita tur caba. Tur e tekening y setup ta cla y e planning ta cla. E trabaonan ta wordo haci pa tur cos ta OK dia 22 di September. Prome cu dia 22, DOW kier tin tur cos cla caba fisicamente pafo y pa entrega e materialnan. Pa dia 20 setup.
Manpower
Den e caso aki e manpower ta pa ta como input y e budget ta bin for di Censo.
Costo
Segun calculonan, e por sali un total di 95 mil florin.
Materialnan di Hulanda
E idea aki a nace pasobra e ultimo eleccion, el a tuma hopi tempo pa por setup y e ta pisa pa por mobilisa cu nan. Bouwkundig werken, bin cu idea nobo, busca un stemhok nobo. Den e caso aki Patrick Ketteldijk a haya uno cu ta hopi facil pa arma y e ta desarma tambe y ta mas lihe pa por mobilisa mas lihe. Esey a tuma luga. A haci e ordo y nan a yega Aruba caba y ta warda den nan deposito pa por move nan pa e urnanan electoral un siman prome cu eleccion.
