Dia 27 di oktober proximo, e federacion di hisamento di peso, Aruba Amateur Weightligting Association ta cla pa organisa nan campeonato nacional di pesas enconexion cu e ASU Olimpiada pa tur nan atletanan. E competencia lo start pa 11or di mainta esaki den Centro Deportivo Frans Figaroa na Noord. Varios club di pesas a confirma nan participacion mientras cu algun scol di Cross Fit y nan atletanan tambe lo ta presente. Mester bisa cu lo por competi den Youth-Junior-Senior-Masters. Tin e categoria oficial nobo cual ta Men 49-55-61-67-73-81-89-96-102-102+ y Woman 40-45-49-55-59-64-71-76-81-81+.
Lo bay tin un atleta campeon di Argentina cu ta participa como invitado. E la bin pa entrena pa 3 luna como preparacion pa cu e campeonato Suramericano cu lo tuma lugar na Quiyaquil , Ecuador den luna di December. E tin 147kg den snatch y 185kg den clean & jerk den categoria 84kg, pues un bon atleta pa mira. Notable ta cu tur anja entre nos competidornan local tin caranan nobo cu ta premira cu un dia lo por bira prospectonan pa futuro den e deporte di pesas sin lubida otro atletanan cu lo bin try-out den e campeonato nacional aki. Ya tin varios hisado di peso ta entrena serio unda nan ta dedica basta ora pa siman den diferente club riba nos isla.
Lotto, e loteria di Aruba pa medio di Stichting Sportsubsidie Aruba a yuda subsidia e Aruba Nationals Weightlifting Championship 2018 organisa pa Aruba Amateur Weightligting Association
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
