Durante produccion di paspoort Hulandes na Hulanda den e lunanan di april, mei y juni 2018 a sosode un fayo tecnico. Door di e fayo aki tin e posibilidad cu den algun di e paspoortnan e caracteristicanan electronico di autenticidad den e chip no ta funciona.
No tin ningun indicacion cu e fayo di produccion aki lo a causa problema na frontera ora di controla e paspoort. E paspoortnan aki ta keda valido, aunke tin e fayo den e chip. Ta trata SOLAMENTE di paspoortnan cu a wordo produci den e periodo di april, mei y juni 2018 cu e number serial ta caba cu 3. E number aki bo por wak e riba e parti dilanti di e tenedo di e paspoort banda robes ariba.
Di e 2216 paspoortnan duna dor di Censo den e periodo di april, mei y juni 2018 di cua e number serial ta caba cu 3, posiblemente lo por tin un fayo tecnico den 20 paspoort.
Di e 20 paspoortnan duna dor di Gabinete di Gobernador den e periodo di april, mei y juni 2018 di cua e number serial ta caba cu 3, posiblemente lo por tin un fayo tecnico den 2 paspoort.
Si Bo a aplica pa un paspoort nobo den e periodo di april, mei y juni 2018 di cua e number serial ta caba cu 3, bo por controla esaki na e siguiente manera:
- Download e app ‘BZK-ID’ gratis via Google Play Store.
(e app aki solamente ta traha cu cellular Android cu NFC reader)
- Pa instruccion detaya con pa uza e app aki, bay riba:
http://www.censo.aw/main/instructies-en-controle-paspoort/
ATENCION!
Si Bo a aplica pa bo paspoort den e periodo di april, mei y juni 2018 y e number serial ta caba cu 3, bo paspoort mester wordo controla cu e app aki. Si despues di a controla cu e app ta resulta cu no tin fayo tecnico, bo no mester haci nada, e paspoort ta bon. Si despues di e control cu e app ta resulta cu e ta bisa cu tin un fayo tecnico, bo por haci un peticion pa saca un paspoort nobo.
Si e paspoort a wordo pidi na Censo, lo bo por traha un cita riba www.censo.aw. Si e paspoort a wordo pidi na Gabinete di Gobernador, lo bo por traha un cita riba www.kabga.aw.
Lo reemplasa e paspoortnan cu fayo tecnico sin costo algun. Personanan cu tin nan vakantie planea caba, por bai sin ningun problema y por controla esaki despues di nan vakantie.
