Jacqueline Peña ta desespera pa bolbe su pais Venezuela. Pero e no tin placa pa paga e pasashi di su dos yiunan. El a yega Aruba prome cu e pandemia y a keda pega aki nan.
El a bay Guarda Nos Costa pa entrega nan mes pa deportacion. Sinembargo a laga nan bay. Via di Departamento di Integracion y Maneho di Admision Stranhero el a registra su mes y su dosnan yiu pa e vuelo humanitario. Sinembargo e mester paga su pasashi, su test di Covid y su impuesto di salida.
Segun e señora a splica, DIMAS a yam’e pa sigura e kier bay y nan a pone riba lista, pero e no a logra cera tur e placa ainda pa tres pasashi. Pa awo, e tin e placa pa solamente un pasashi y e falta esun di su dos yiunan. Y e no por bay lagando su yiunan atras. Y mester bay pa motibo cu e cas unda nan ta keda no tin awa y no sa cuanto tempo lo tin coriente mas.
El a compronde cu e ultimo vuelo humanitario ta dia 31 di october. P’esey e ta pidi un ayudo pa e por logra yega na e suma pa cumpra e pasashinan. “Si mi mester chapi of haci limpiesa no ta nada, basta cu mi por recoge placa pa paga e pasashi,” el a bisa.
El a yega Aruba pa celebra e cambio di aña cu famianan residente na Aruba. Despues a prolonga e estadia y despues a keda pega door di e pandemia.
Pa esnan cu kier colabora cu e señora, por tuma contacto cu ne na tel: 7424636.
