Ronde van Aruba 2024 a tuma luga ayera y algo cu ta excepcional sigur ta esnan cu ta anima e coredonan na cant’i caminda cu ambiente y sostene e coredonan durante e careda. Famia Rasmijn tin mas o menos dies aña ta decora luz y organisa henter un evento cu meta pa sostene e coredonan.
Alberto Rasmijn ta conta nos cu nan ta celebra Ronde van Aruba tur aña hunto den famia, y tambe tin hopi apoyo p’e coredonan. “Nos ta haci hopi cos pa nan haya e animo pa nan sigui core.” E famia ta bini hunto, tur hende ta coopera pa pone luz riba cura y anima e coredonan. Alberto cu su señora ta traha mastanto riba e parti di luz y nan ta decora tur cos, y ta invita otro famianan cu ta bini cu cos di bebe, snacks. Alberto ta prepara su Jonnycake tur aña y tin biaha ta parti p’e coredonan pa haya tiki animo pa core.
E coredonan ta contento cu famia Rasmijn pasobra nan si ta pone ambiente y duna apoyo na nan tur aña na Cobalodo. Atleta Amadee Nicolaas tabata esun cu a drenta como prome atleta individual cu tambe tabata unico dama cu a core 72km su so, Beyond Sports Limit Foundation Aruba tambe a crusa e meta final cu hopi exito acompañando cuater hoben cu limitacion durante nan trayecto di 72km den e Ronde van Aruba. Un evento sigur hopi exitoso atrobe e aña aki.
