Riba diaranson 10 di april, Qredits Aruba a inicia e programa “Small Business Academy” y na mes momento “kick-off” oficialmente cu un total di 20 participante.
E programa aki ta un programa dinamico cu ta ofrece (futuro) empresarionan e oportunidad pa expande nan conocemento y obtene experiencia den forma cu nan lo pensa, planifica y actua manera un empresario.
A traves di e programa aki, e participantenan lo haya conocemento empresarial teoretico y tambe practico, cu diferente ehercicio. E participantenan aki lo haya guia di docente Twyma van der Biezen. Durante e curso aki cada participante lo desaroya nan plan di negoshi y plan financiero y na final lo haya e oportunidad pa presenta nan propio idea di un servicio of producto durante e “Pitch Event.”
Qredits Aruba ta desea cada participante hopi exito durante e 10 siman di e “Small Business Academy”. Pa mas informacion por bishita Qredits su Facebook page “Qredits Aruba” pa tur update relaciona cu e programa “Small Business Academy”.
Qredits Aruba ta conoci den e sector empresarial por medio di yuda varios comerciante cu micro financiamento te cu AWG 100,000. – pa cuminsa y expande nan propio negoshi. Qredits Aruba tambe ta sostene empresarionan via coaching, recursonan y programanan educacional.
